Դաշնակցությունը կոչ է անում Ամուլսարի հարցով հանրաքվե անցկացնել

«Իշխանություններին կոչ ենք անում հրապարակված մասնագիտական եզրակացությունը չդիտարկել որպես հանքի շահագործման վերջնական հիմնավորում», - հայտարարում է Դաշնակցության Գերագույն մարմինը՝ շարունակելով․ - «Կարևորելով խնդրի հանրային հնչեղությունը, երկրի սոցիալ-տնտեսական և բնապահպանական հեռանկարի վրա վերջինիս հնարավոր լրջագույն ազդեցությունն ու ռիսկերը, նպատակահարմար ենք գտնում՝ հանրային և մասնագիտական լրացուցիչ քննարկումների արդյունքում հասնել համոզիչ լուծումների, վերականգնել առողջ երկխոսությունը մասնագիտական փորձագիտական շրջանակների հետ, հանրաքվեի ճանապարհով հասնել պետության շահերից բխող և հանրության կողմից ընդունելի որոշման»։