Նոր օրինագիծ. այլ անձի կրոնական զգացմունքները վիրավորողը կտուգանվի 300-600 լարիով

Դեկտեմբերի 7-ին Խորհրդարանական մեծամասնության պատգամավորը Խորհրդարանի Բյուրոյի ուսումնասիրմանն է հանձնել մի օրինագիծ, որի համաձայն ենթադրվում է տուգանել ֆիզիկական կամ իրավաբանական այն անձանց այն դեպքում, եթե նրանք «վիրավորեն այլ կրոնական պատկանելության անձանց կամ խմբերի»: Այս մասին տեղեկացնում է Վրաստանի հայ համայնքը: 

Օրինագծի տեքստի համաձայն` այլ անձի կրոնական զգացմունքները վիրավորող անձը կտուգանվի 300-600 լարիով: Այն դեպքում, եթե ֆիզիկական անձը վարկաբեկի ցանկացած կրոնական հաստատության շենք, նա կտուգանվի 500-1000 լարիով: Դեռևս հայտնի չէ` արդյո՞ք երկրի խորհրդարանը կուսումնասիրի և կընդունի տվյալ օրինագծի նախաձեռնությունը: