Ջավախք Ինֆո: Գեորգի Մարգվելաշվիլի. Խորհրդարանը պետք է պաշտպանի և´ նախարարներին, և´ կառավարությանը

Գեորգի Մարգվելաշվիլի. Խորհրդարանը պետք է
պաշտպանի և´ նախարարներին, և´
կառավարությանը
================================================================================
JIeditor on 15/11/2014 20:43:00


Վրաստանի նախագահ Գեորգի Մարգվելաշվիլին
երկրի Խորհրդարանի առջև հայտարարել է.
«Քաղաքական գործընթացների պատճառները
կայանում են նրանում, ինչի մասին ես մեկ անգամ
չէ, որ հայտարարել եմ` պատճառը մեր
պետությունում ինստիտուցիոնալ ղեկավարման
պակասի մեջ է:  Վերջին տրավա ընթացքում ես շատ
անգամ եմ ասել, որ իշխանության ճյուղերի միջև
հավասարակաշռության բացակայությունը,
անհարգալից վերաբերմունքը պետական
համակարգերի հանդեպ` անպայմանորեն խնդիր
կստեղծեն պետական համակարգի համար:  Ես ճիշտ
էի: Այդպես էլ տեղի ունեցավ: Վերջին օրերս
այնպիսի իրավիճակ է ստեղծվել, երբ պարզ չէ, թե
ո՞ւմ են ծառայում պետական համակարգերը` իրենց
ղեկավարներին, թե՞ պետությանը:  Ի հայտ են
եկել հարցեր և մտավախություններ պետական
գերատեսչությունների ապաքաղաքականության և
պետական գաղտնիքի հետ կապված: Այն ամենը, ինչի
վկան մենք դարձանք վերջին օրերի ընթացքում,
ավելի մեծ խնդրի նշան է:  Եթե մենք չլուծենք
հիմնական խնդիրը, ապա հավատացե´ք ապագայում
մեզ սպասելու են ավելի մեծ խնդիրներ: Մենք
չպետք է թույլ տանք, որ գերատեսչությունների
միջև հարաբերությունները վերածվեն այդ
գերատեսչությունների ղեկավարների միջև
հարաբերությունների:  Խորհրդարանը պետք է
պաշտպանի և´ նախարարներին, և´
կառավարությանը: Հակառակ դեպքում համակարգը
կգտնվի լուրջ վտանգի տակ»:  Ելույթի ժամանակ
Մարգվելաշվիլին խորհրդարանականների
հիշեցրեց նաև երկրի ուժային
գերատեսչություններում բարեփոխումների
անցկացման մասին, մասամբ Ներքին Գործերի
նախարարության վերահսկողությունից
Անվտանգության ծառայությունը դուրս բերելու
անհրաժեշտության մասին: