«Եթե կառավարության այս անդամը մնա իր պաշտոնին, կարելի է համարել, որ պետությունը Հայաստանում այլևս լուծարված է». Ստեփան Դանիելյան

«Եթե կառավարության այս անդամը մնա իր պաշտոնին, կարելի է համարել, որ պետությունը Հայաստանում այլևս լուծարված է». Ստեփան Դանիելյան

Քաղաքագետ Ստեփան Դանիելյանը ֆեյսբուքյան իր էջում գրում է․

«Պետության ավարտը

Պետությունն ու օրենքը կարելի է համարել հոմանիշներ, իսկ պետության հիմքը դատական համակարգն է:

Քիչ առաջ առողջապահության նախարարը հայտարարեց, որ հրաժարվում է ճանաչել դատարանի որոշումը, քանի որ այն համարում է սխալ, իսկ Հայաստանի դատական համակարգը ժողովրդի մեծ մասը չի վստահում, ինքն էլ իր հերթին չի հարգում Հայաստանի դատարանը:

 

Ես տեղյակ չեմ կոնկրետ այդ դատական վեճին, վեճի մանրամասներին և ինձ չի հետաքրքրում նաև այն, թե իրականում դատարանի որոշումը որքանով է ճիշտ` դա իմ որոշելիքը չէ:

 

Սակայն կա փաստ, կառավարության անդամը «պասլատ» արեց Հայաստանի դատական համակարգը, անվստահություն հայտնեց դատարանի որոշմանը, այսինքն հայտարարեց, որ Հայաստանի Հանրապությունը չի ճանաչում ու ինչ կուզի, այն էլ կանի:

 

Կառավարության անդամն օրինակ ծառայեց հազարավոր դատապարտվածներին, որ նրանք նույնպես չճանաչեն դատարանի որոշումները, ջարդեն բանտերի պատերն ու դուրս հորդեն այնտեղից: Օրինակ ծառայեց բոլորին, որոնք ունեն դատարանի որոշումներ, որոնց հետ համաձայն չեն ու ինքնադատաստան տեսնեն նրանց հետ, ում հետ դատական վեճի մեջ են եղել:

 

 

Այդպես նրանք կարող են վարվել, եթե այս կառավարության անդամը մնա իր պաշտոնին ու պատասխանատվության չենթարկվի, իսկ մենք, մեր հայեցողությամբ, իրավունք ստանում չճանաչել Հայաստանի կառավարությունն ու նրա որոշումները:

 

Եթե մնա իր պաշտոնին ու պատասխանատվության չենթարկվի, ապա կարելի է համարել, որ պետությունը Հայաստանում այլևս լուծարված է ու մենք բոլորս ազատ ենք անել այն, ինչ կամենում ենք:

 

Հ.Գ. Պատահական չի, որ դատարանները վճիռները կայացնում են Հայաստանի Հանրապետության անունից, դատավորների գլխավերևում պետության զինանշանն է

իսկ դատավորների դահլիճ մտնելուց ոտքի են կանգնում, դրանով ճանաչելով պետությունը։ Այդ ամենը լոկ արարողակարգ չի, դա պետության ճանաչման ակտ է։

Կառավարության անդամն ոչ միայն հրաժարվում է ճանաչել Հայաստանի Հանրապետությունն, այլև պնդում է, որ ժողովրդի մեծ մասը նույնպես չի վստահում իր պետականությունը։

 

Հ.Գ. Աբսուրդ է, որ նույն այդ անձը, հրաժարվելով վստահել Հայաստանի դատական համակարգին, կոչ է անում մարդկանց վերադառնալ Հայաստան ու կանգնել այդ նույն անվստահելի դատարանի առջև»:

 

Նյութի աղբյուր`168.am

Կարճ հասցե: javakhq.info/u/8719.html

Վերջին Լուրեր

1 2 3 4 5 >
Ամբողջը` 5838 : Ցուցադրված է` 1 - 15 :