Մարդու իրավունքների պաշտպան Արման Թաթոյանը խոհրդակցություններ է ունեցել ՄԻԵԴ-ում

Մարդու իրավունքների պաշտպան Արման Թաթոյանը խոհրդակցություններ է ունեցել ՄԻԵԴ-ում

Մարտի 5-ին Մարդու իրավունքների պաշտպան Արման Թաթոյանը խոհրդակցություններ է ունեցել Մարդու իրավունքների եվրոպական դատարանում նախագահ Լինոս-Ալեքսանդր Սիսիլիանոսի ղեկավարությամբ:

 

ՄԻՊ-ից NEWS.am-ին հայտնում են, որ խորհրդակցություններ տեղի են ունեցել նաեւ Եվրոպական դատարանի դատավոր Արմեն Հարությունյանի մասնակցությամբ:

 

Հանդիպման ժամանակ անդրադարձ է կատարվել Մարդու իրավունքների պաշտպանի նախաձեռնությամբ 2017 թվականից ներդրված ՄԻԵԴ-ում քննվող գործերով երրորդ կողմ ներգրավվելու պրակտիկային, որ համարվում է միջազգային լավագույն փորձ: Եվրոպական դատարանի կողմից ընդգծվել է այս պրակտիկայի եւ այն շարունակելու կարեւորությունը դատարանի համար, ինչպես նաեւ ընդգծվել է այդ միջնորդությունների բարձր մասնագիտական որակը:

 

Արման Թաթոյանը նշել է Մարդու իրավունքների պաշտպանի կողմից Եվրոպական դատարանի վճիռների կատարման անկախ գնահատականներ ներկայացնելու փորձը Եվրոպայի խորհրդի Մարդու իրավունքների եւ իրավունքի գերակայության գլխավոր տնօրինություն, ինչպես նաեւ Պաշտպանի աշխատակազմի ու այլ մարմինների համար վերապատրաստումները եւ հանրային լայն իրազեկման ծրագրերը, որոնք հիմնված են երկրում Եվրոպական դատարանի իրավաբանության արդյունավետ ներդրմանը:

Նյութի աղբյուր` NEWS.am

Կարճ հասցե: javakhq.info/u/8047.html

Վերջին Լուրեր

1 2 3 4 5 >
Ամբողջը` 5838 : Ցուցադրված է` 1 - 15 :