«Ինչին մենք, ասենք թե, դեմ ենք, դրա մեկնաբանությունն ունենք». Ծառուկյանը՝ դատավորների տարիքային շեմի մասին

«Ինչին մենք, ասենք թե, դեմ ենք, դրա մեկնաբանությունն ունենք». Ծառուկյանը՝ դատավորների տարիքային շեմի մասին

Ինչին մենք, ասենք թե, դեմ ենք, դրա մեկնաբանությունն ունենք, ոչ թե այնպես մեր քմահաճույքին ինչ-որ նայելով ասում ենք, այլ այսօր լիարժեք ցանկացած օրենք ընդունելուց պետք է նայեն համեմատական կարգով կարեւոր, զարգացած երկրներում՝ կլինի Ամերիկա, կլինի Անգլիա: Այս մասին, այսօր՝ մարտի 6-ին, ԱԺ-ում լրագրողների հետ զրույցում նշեց ԲՀԿ խմբակցության ղեկավար Գագիկ Ծառուկյանը՝ անդրադառնալով իշխանության կողմից ներկայացված նախագծին, որով իջեցվում է դատավորների տարիքային շեմը մինչեւ 25 տարեկան:

 

«Ճիշտ է, ես միշտ էլ կողմնակից եմ երիտասարդների համար, մեր արժանի փոխարինողներն են, որ լիարժեք պետք է հնարավորություն տրվի, բայց ասենք թե, 25 տարեկան երիտասարդը մարդու կյանքում, մարդու որոշում կայացնելու, ընտանեկան խնդիրը, քրեական հարցերը, օրինակ գնացեք Ամերիկայում, Անգլիայում, նայեք, դա չի ընդունվում:

 

Ասենք նրանք 25 տարեկանից թող լինեն դատավորներ, բայց տնտեսական հարցով, փաստաթղթերի հարցով, որը լիարժեք դա կարող են կարգավորել: Բայց այն դատավորը, որ որոշելու է մարդու ճակատագիրը, ընտանեկան հարցեր կան որեւիցե այլ խնդիրներ, դա պետք է լինի 35 տարեկանից ոչ պակաս, 40 տարեկան, որովհետեւ նա որոշելու է մարդու ճակատագիրը»,-ասաց Ծառուկյանը՝ հավելելով, որ իրենց մոտեցումը հիմնված է միջազգային փորձի վրա:

Նյութի աղբյուր` NEWS.am

Կարճ հասցե: javakhq.info/u/8044.html

Վերջին Լուրեր

1 2 3 4 5 >
Ամբողջը` 5838 : Ցուցադրված է` 1 - 15 :