Ես ուրախ եմ, որ մեր նախարարը, մարզպետը մնացել են աշխատավարձի ու պարգեւատրման հույսին. Գեւորգ Պապոյան

Ես ուրախ եմ, որ մեր նախարարը, մարզպետը մնացել են աշխատավարձի ու պարգեւատրման հույսին. Գեւորգ Պապոյան

Ես ուրախ եմ, որ մեր նախարարը, մարզպետը մնացել են պարգեւատրման հույսին: Դա նշանակում է, որ նրանք չեն գողանում, չեն թալանում: Այս մասին, այսօր՝ մարտի 5-ին, ԱԺ-ում լրագրողների հետ զրույցում նշեց «Իմ քայլը» խմբակցության պատգամավոր Գեւորգ Պապոյանը:

 

Նրա խոսքով, նախկինում անգամ պաշտոնյաները բացահայտ հայտարարում էին, որ իրենք անգամ աշխատավարձ էլ չեն ստանում. «Դե եթե հսկայական միջոցներ թալանում ես, բնականաբար, այդպիսի կարիք չի լինելու: Սա է խնդիրը, մենք պետք է ուրախ լինենք, որ մեր պաշտոնյաները աշխատավարձով ապրող մարդիկ են, պարգեւատրման հույսին մնացած մարդիկ են: Այո, ստեղից պետք է սկսվի, այո, պաշտոնյաները պետք է աշխատավարձի հույսին մնան, պարգեւատրման հույսին մնան, որ այնպես աշխատեն, որ բոլորի աշխատավարձն էլ բարձրանա: Դրա արդյունքը եղավ այն, որ 12 տարի ուսուցիչների աշխատավարձը չէր բարձրացել, մի տարում բարձրացրեցինք, 5 տարում թոշակները չէր բարձրացել, մեկ տարում բարձրացրեցինք»:

 

Պապոյանը հավաստիացրեց, որ պարգեւատրումները արվում են օրենքի սահմաններում եւ հաստատված են պետական բյուջեով. «Վերջնաժամկետը մարտի 31-ն է, կհրապարակենք մեր հայտարարագրերը եւ դուք կտեսնեք, թե ես օրինակ, ինչքան աշխատավարձ եմ ստացել: Այո, պետական պաշտոնյային պետք է գիշերը քնից հանեն, հարցնեն՝ քեզ որտեղից էս փաղը, ինքն էլ պատասխանի՝ այ էս բանկային հաշիվը նայեք, տեսեք, թե որտեղից այդ փողը»,-ասաց նա:

Նյութի աղբյուր` NEWS.am

Կարճ հասցե: javakhq.info/u/8004.html

Վերջին Լուրեր

1 2 3 4 5 >
Ամբողջը` 5838 : Ցուցադրված է` 1 - 15 :