«Վճարովի ֆեյքերի սանձարձակ արտահայտությունները որոշ երիտասարդների համար նմանակելու օրինակ են եւ բանակում». ՀԴԿ

«Վճարովի ֆեյքերի սանձարձակ արտահայտությունները որոշ երիտասարդների համար նմանակելու օրինակ են եւ բանակում». ՀԴԿ

Հայաստանի դեմոկրատական կուսակցությունն իր խորին ցավակցությունն է հայտնում Ազգային բանակում ոչ  մարտական պայմաններում զոհված զինվորների հարազատներին եւ մերձավորներին:

 

Այս առնչությամբ ՀԴԿ տարածած հայտարարությունում նաեւ ասվում է.

 

«Միաժամանակ մեր վրդովմունքն ենք հայտնում բանակի ղեկավարության ոչ պատշաճ, իրավիճակին ոչ համարժեք արձագանքի առիթով: Մինչդեռ, անգամ մեկ «ինքնասպանության հասցնելու» դեպքը պետք է արտակարգ ուշադրություն հրավիրեր զորամասերում առկա իրավիճակի, տիրող բարքերի վրա:

 

Մեզ համար անընդունելի է, որ «սեւ ու սպիտակի», «հպարտ ու նորմալ» քաղաքացիների բաժանումը շարունակում է ագրեսիվ հռետորաբանությամբ օգտագործվել իշխող ուժի բարձրաստիճան ներկայացուցիչների կողմից: Այդ արհեստական ու շատ վտանգավոր բաժանման հետեւանքներից մեկն էլ այն է, որ այսպես կոչված «հպարտ», սակայն հոգեկերտվածքով աղքատ երիտասարդը փորձում է ինքնահաստատվել բռնի ուժի միջոցով:

 

Վճարովի ֆեյքերի խուլիգանական, սանձարձակ արտահայտությունները որոշ երիտասարդների համար նմանակելու օրինակ են եւ բանակում: Անհանդուրժողականությունը բազմաթիվ վեճերի, դանակահարությունների, զենքի կիրառմամբ «ռազբորկաների» առիթ է դարձել:

 

Իշխանություններին խրատ տալն անշնորհակալ գործ է, այն էլ՝ այսօրվա որոշ «դուրսպրծուկների»:

 

Մենք դիմում ենք քաղաքական ուժերին, հանրությանը, ծնողներին, ուսուցիչներին, ոստիկաններին, զորամասերի հրամանատարներին՝ միասնաբար կանխենք հոռի բարքերի արմատավորումը, հակահարված տանք «ասֆալտին փռելու», «պատին ծեփելու» եւ այլ հակադաստիարակչական «գաղափարախոսությանը»:

 

Բոլորս ենք պատասխանատու նոր սերնդին ազգային, քաղաքակիրթ արժեհամակարգի ոգով դաստիարակելու գործում:

 

ՀԴԿ-ն կոչ է անում կուսակից ընկերներին, համակիրներին, բոլոր նրանց, ում համար կարեւոր է քաղաքացիական համերաշխությունը, ակտիվ քարոզչությամբ հանդես գալ երիտասարդության շրջանում՝ ներշնչելով բարոյականությանը հարիր վարվելակերպ:

Նյութի աղբյուր` NEWS.am

Կարճ հասցե: javakhq.info/u/6793.html

Վերջին Լուրեր

1 2 3 4 5 >
Ամբողջը` 4221 : Ցուցադրված է` 1 - 15 :