Հայաստանում իշխանության եկած խմբի համար մինիմում ծրագիրը երկրում քաոսի ստեղծումն է. առաջին օմբուդսմեն

Հայաստանում իշխանության եկած խմբի համար մինիմում ծրագիրը երկրում քաոսի ստեղծումն է. առաջին օմբուդսմեն

Հայաստանում իշխանության եկած խմբի համար մինիմում ծրագիրը երկրում քաոսի ստեղծումն է: Այս մասին «Քաղտնտեսություն» հետազոտական ինստիտուտի կողմից կազմակերպված «Սահմանադրական անվտանգությունը, մարտահրավերներն ու որոշումները» քննարկման ժամանակ հայտարարեց իրավապաշտպան, ՀՀ առաջին օմբուդսմեն Լարիսա Ալավերդյանը:

 

Ըստ նրա` տեղի ունեցողը նույնիսկ ոչ թե  նեոբոլշեւիզմ է հիշեցնում, այլ` ինչոր աղանդի պահվածք: «Հասարակության բաժանում` ըստ «որքան հեռու սոցիալական հանդուրժողականությունից, այնքան լավ սկզբունքի»: Այս ամենը մանիպուլյացիոն տեխնոլոգիաներ են: Մինիմում ծրագիրրը եկրում քաոս ստեղծելն է: Թե ինչ համակարգ է առաջարկվում մաքսիմում ծրագրով, հասկանալի չէ: Անհրաժեշտ է կանխել երկրի զարգացումը ըստ այն մոդելի, որը սահմանել է Վահագն Հովակիմյանը: Հարցին ի պատասխան` արդյո՞ք նման իրավիճակ եղել է այլ երկրներում, նա բերեց Ուկրաինայի եւ Մոլդովայի օրինակը: Էլ ի՞նչ պետք է ասի պատգամավորը, որպեսզի մենք հասկանանք, թե ուր է տանում այս, առաջին հայացքից, հուզական ճանապարհը»,- հարցրեց Լարիսա Ալավերդյանը:

 

Իրավապաշտպանը շեշտեց սելեկտիվ մոտեցումն արդարադատության իրականացմանը: «Ինձ անհանգստացնում է սելեկտիվ արդարադատությունը: Այժմ մեզ մոտ Սահմանադրության սելեկտիվ կիրառում է: Կարծիք կա, որ Սահմանադրությունը կեղծված է: Բայց այդ դեպքում Ազգային ժողովն ու խորհրդարանը նույնպես անօրինական են»,  հիշեցրեց Լարիսա Ալավերդյանը:

 

«Մոտեցումն այսպիսին է` սա լավ հոդված է, նա վատ հոդված է: Մենք աննախադեպ նախադեպ ենք ստեղծում: Աննախադեպությունը կայանում է նրանում, որ ցանկացած նոր կառավարություն նույն հիմքերով կարող է հայտարարել, որ նախկինները լեգիտիմ չեն եւ Սահմանադրությունը պետք է փոխվի: Սա վտանգում է մեր` որպես քաղաքակիրթ ազգի զարգացումը: Սա քաղաքակրթական սպառնալիք է: Քաղաքակիրթ երկրներում դժվար է նման մի բան գտնել»,- շեշտեց Ալավերդյանը:

Նյութի աղբյուր` NEWS.am

Կարճ հասցե: javakhq.info/u/6752.html

Վերջին Լուրեր

1 2 3 4 5 >
Ամբողջը` 5838 : Ցուցադրված է` 1 - 15 :