Հայաստանում ուզում են տապալել սահմանադրական կարգը և յուրացնել իշխանությունը. Անդրանիկ Թեւանյան

Հայաստանում ուզում են տապալել սահմանադրական կարգը և յուրացնել իշխանությունը. Անդրանիկ Թեւանյան

Հայաստանում ուզում են տապալել սահմանադրական կարգը և յուրացնել իշխանությունը: Այս մասին Ֆեյսբուքի իր էջում գրել է «Պոլիտէկոնոմիա» հետազոտական ինստիտուտի տնօրեն Անդրանիկ Թեւանյանը:

 

«Հիշեցման ու նախազգուշացման կարգով․

 

ՀՀ սահմանադրության անփոփոխելի 2–րդ հոդվածի վերջին պարբերությունում նշված է․ «Իշխանության յուրացումը որեւէ կազմակերպության կամ անհատի կողմից հանցագործություն է»։

 

«Իմ քայլը» խմբակցության անդամներին տեղեկացնեմ նաև ՀՀ քրեական օրենսգրքի հոդվածներից։

 

Հոդված 300. Իշխանությունը յուրացնելը

 

1. Իշխանությունը զավթելը` բռնություն գործադրելու կամ բռնություն գործադրելու սպառնալիքի միջոցով, ինչպես նաև Սահմանադրությամբ չնախատեսված այլ եղանակով Հանրապետության Նախագահի, Ազգային ժողովի, կառավարության կամ սահմանադրական դատարանի լիազորություններին տիրանալը` պատժվում են ազատազրկմամբ` տասից տասնհինգ տարի ժամկետով:

 

2. Իշխանությունը պահելը` Հանրապետության Նախագահի, պատգամավորի, վարչապետի, նախարարի լիազորությունների ավարտից հետո այդ լիազորությունների իրականացումը շարունակելը` պատժվում է ազատազրկմամբ` տասից տասնհինգ տարի ժամկետով:

 

3. Սույն հոդվածի առաջին մասով նախատեսված հանցագործության նախապատրաստության փուլում դրան մասնակցող անձի կողմից հանցագործության նախապատրաստության մասին իրավապահ մարմիններին կամավոր հայտնած անձն ազատվում է սույն հոդվածի առաջին մասով նախատեսված քրեական պատասխանատվությունից:

 

Հոդված 300.1. Սահմանադրական կարգը տապալելը

 

1. Սահմանադրական կարգը տապալելը` Սահմանադրության 1-ից 5-րդ հոդվածներով կամ 6-րդ հոդվածի առաջին մասով նախատեսված որևէ նորմը փաստացի վերացնելը, որն արտահայտվում է իրավական համակարգում այդ նորմի գործողության դադարեցմամբ` պատժվում է ազատազրկմամբ` տասից տասնհինգ տարի ժամկետով:

 

2. Սույն հոդվածով նախատեսված հանցագործության նախապատրաստության փուլում դրան մասնակցող անձի կողմից հանցագործության նախապատրաստության մասին իրավապահ մարմիններին կամավոր հայտնած անձն ազատվում է սույն հոդվածով նախատեսված քրեական պատասխանատվությունից», գրել է Անդրանիկ Թեւանյանը եւ հետգրություն թողել.

 

«Հետո չասեք, թե տեղեկացված ու զգուշացված չեք եղել»։

Նյութի աղբյուր` NEWS.am

Կարճ հասցե: javakhq.info/u/6172.html

Վերջին Լուրեր

1 2 3 4 5 >
Ամբողջը` 5838 : Ցուցադրված է` 1 - 15 :