ԲՀԿ-ի նկատմամբ դեմարշը «ուժի» ցուցադրություն էր, որ որեւէ մեկի մտքով չանցնի անվստահության գործընթաց սկսել

ԲՀԿ-ի նկատմամբ դեմարշը «ուժի» ցուցադրություն էր, որ որեւէ մեկի մտքով չանցնի անվստահության գործընթաց սկսել

«Հրապարակ» թերթը գրում է. «Հունվարի 14-ից հետո ԱԺ-ն այլեւս կարող է Փաշինյանին անվստահություն հայտնել, հնարավո՞ր է նման բան՝ հարցրինք ԱԺ մեր աղբյուրին։ «Մեկնարկած նստաշրջանի հենց առաջին օրը ԲՀԿ-ի նկատմամբ դեմարշը, նաեւ այն, որ իշխանությունը փորձում էր առաջին պլան բերել Էդմոն Մարուքյանին՝ որպես ընդդիմություն, «ուժի» ցուցադրություն էր, որ որեւէ մեկի մտքով, առաջին հերթին՝ ԲՀԿ-ի, չանցնի նման գործընթաց սկսել։

 

Ծառուկյանի գլխին կախված են տասնյակ ստուգումներ, գործեր։ Ուղղակի Փաշինյանը չի ցանկանում ՍԴ կոնֆլիկտի ֆոնին մի հատ էլ ԱԺ-ում ունենալ ԲՀԿ-ի դեմ, առայժմ դանդաղ է գործում։

 

Ի դեպ, եթե անվստահություն հայտնելու գործընթաց է սկսվում եւ տապալվում, ապա Սահմանադրությունը թույլ է տալիս կրկնել 6 ամիս հետո։ Եթե ավելի երկար լիներ ժամկետը, Փաշինյանն ինքը կկազմակերպեր այն՝ ապացուցելու, որ «կոնսենսուս 95 մինուս 5-ը» կա, սակայն ռիսկերը մեծ են, մանավանդ որ «գրիչի» պատմությունն ու ՍԴ-ի օրինագիծն ըմբոստություն են առաջացրել թիմում։ Սկսել են հասկանալ, որ իրենց ձեռքով են շագանակներ հանվում կրակից»:

 

Բայց Փաշինյանի համար Սահմանադրությունն «ասնավանի՞» է, հնարավո՞ր է` սահմանադրական փոփոխություններով նաեւ անվստահության ժամկետները վերանայվեն։ «Ամեն ինչ հնարավոր է»:

Նյութի աղբյուր` NEWS.am

Կարճ հասցե: javakhq.info/u/6036.html

Վերջին Լուրեր

1 2 3 4 5 >
Ամբողջը` 5838 : Ցուցադրված է` 1 - 15 :