«Իմ քայլ»-ի նախագծած «երկքայլային կոմբինացիայի» նկարագրություն. փոփոխություններ «ԱԺ կանոնակարգ»-ում՝ հակառակ Սահմանադրությանը, նոր ՍԴ ստեղծում՝ հակառակ իրավունքի գերակայության սկզբունքին. Ա. Մակինյան

«Իմ քայլ»-ի նախագծած «երկքայլային կոմբինացիայի» նկարագրություն. փոփոխություններ «ԱԺ կանոնակարգ»-ում՝ հակառակ Սահմանադրությանը, նոր ՍԴ ստեղծում՝ հակառակ իրավունքի գերակայության սկզբունքին. Ա. Մակինյան

Փաստաբան Ամրամ Մակինյանը ֆեյսբուքյան իր էջում, գրառում է կատարել՝ անդրադառնալով ԱԺ «Իմ քայլը» խմբակցության կողմից «ԱԺ կանոնակարգ» օրենքում փոփոխություններ կատարելու նախագծին: Նա մասնավորապես ներկայացրել է գործողությունների հերթականությունը և նշել, որ ցանկանում է լսել իշխանության «հիմնավորումներն» առ այն, թե որքանով է այդ նախագիծը համապատասխանում ԵԽԽՎ վերջին հայտարարությանը։ Գրառումն ամբողջությամբ՝ ստորև.

 

««Իմ քայլը» խմբակցության «իրավական գիգանտների» նախագծած «երկքայլային պարզունակ կոմբինացիայի» փաստական նկարագրություն՝

 

1.Քայլ առաջին՝ հնարավորինս կարճ ժամկետում «Ազգային ժողովի կանոնակարգ» սահմանադրական օրենքում փոփոխությունների կատարում ՝ նախատեսելով Ազգային ժողովի իրավասությունն առանց Սահմանադրական դատարանի համաձայնության իրականացնելու սահմանադրական փոփոխություններ՝ ի հակառակ Սահմանադրության 169-րդ հոդվածի 2-րդ մասի առաջին նախադասության։

 

2. Քայլ երկրորդ՝ «Ազգային ժողովի կանոնակարգ» սահմանադրական օրենքում փոփոխություններն ուժի մեջ մտնելու անմիջապես հետո սահմանադրական փոփոխությունների ընդունում՝ փոփոխելով Սահմանադրության 213-րդ հոդվածը և նախատեսելով նոր սահմանադրական դատարանի ստեղծում՝ ի հակառակ իրավունքի գերակայության սկզբունքի և այն հանգամանքի, որ Սահմանադրության «եզրափակիչ և անցումային» դրույթներում հնարավոր չէ իրականացնել փոփոխություններ։ Սրան զուգահեռ կկատարվեն փոփոխություններ մի շարք օրենսդրական ակտերում՝ նախատեսելով սահմանադրական դատարանի «հին դատավորների» սոցիալական երաշխիքները։

 

Հ.Գ. Կցանկանայի լսել քաղաքական իշխանության «հիմնավորումներն» առ այն, թե որքան է նշված «երկքայլային պարզունակ կոմբինացիան» համապատասխանում ԵԽԽՎ Մոնիթորինգի հանձնաժողովի Հայաստանի հարցերով համազեկուցողների վերջին հայտարարությանը»։

Նյութի աղբյուր`ԹԵՐԹ․am

Կարճ հասցե: javakhq.info/u/5985.html

Վերջին Լուրեր

1 2 3 4 5 >
Ամբողջը` 5838 : Ցուցադրված է` 1 - 15 :