Նիկոլ Փաշինյանն ինչ անում է, իր դեմ է աշխատում, տեսավ գրիչի տակից դուրս չի գալիս, նոր բան արեց. Գուրգեն Եղիազարյանը՝ քաղակտիվիստներին բերման ենթարկելու մասին

Նիկոլ Փաշինյանն ինչ անում է, իր դեմ է աշխատում, տեսավ գրիչի տակից դուրս չի գալիս, նոր բան արեց. Գուրգեն Եղիազարյանը՝ քաղակտիվիստներին բերման ենթարկելու մասին

Երեկ ականատես եղանք հերթական խելագարությանը: Այս մասին մամուլի ասուլիսին ասաց ԱԱԾ տնօրենի նախկին տեղակալ, քաղաքական գործիչ Գուրգեն Եղիազարյանը` անդրադառնալով երեկ «ՎԵՏՕ» շարժման ղեկավար Նարեկ Մալյանին, «Քաղաքացիական գիտակցություն» ՀԿ ղեկավար Նարեկ Սամսոնյանին, «Ադեկվադ» միաբանության ղեկավար Արթուր Դանիելյանին, վարչության անդամ Կոնստանտին Տեր-Նակալյանին և ևս երկու անդամների ձեռնաշղթաներով Ոստիկանության 6-րդ վարչություն բերման ենթարկելուն: 

 

«Սա սրիկայություն է և սա գալիս է մեկ մարդուց`Նիկոլից, Հայաստանը սարքել է մի մեծ գժանոց: Վաղը պառկացնելու են քեզ, ա՛յ տղա, այդ նույն թմրանյութով ու զենքով, թիկնազորն էլ լինի, կպառկես այդ նույն ասֆալտի վրա: Լավ իմացիր, ինչ աննորմալություն անում ես, գլխիդ է գալու, հենց այնպես չի անցնելու»,-ասաց նա:

 

Ըստ Գուրգեն Եղիազարյանի` հասարակությունն արդեն հասկանում է, թե ինչ է կատարվում իրականում, և Նիկոլ Փաշինյանը ոչ մի բանից չի խորշելու իշխանությունը պահպանելու համար. «Հայաստանը դարձրել է մեծ գաղութ, ինքն էլ նայող»,-ասաց նա:

 

 

Նա նշեց, որ Նիկոլ Փաշինյանը սխալվում է, եթե մտածում է, որ այս ձերբակալություններով կարող է մարդկանց վախեցնել. «Նիկոլ Փաշինյանն ինչ անում է, իր դեմ աշխատում, տեսավ գրիչի տակից դուրս չի գալիս, նոր բան արեց»,- ասաց Եղիազարյանը և հավելեց, որ Սահմանդարական դատարանի շուրջ ստեղծված իրավիճակը ուղիղ կապ ունի Ստամբուլյան կոնվենցիայի հետ:

 

«Սորոսականները գրավել են Հայաստանը, համենայնդեպս իշխանության մեջ լրջագույն տոկոս են կազմում և ավելին են: Բոլոր տղաները, որոնց վրա հարձակվել են, նրանք  դեմ են Սորոսին»,-ասաց նա:

 

Անդրադառնալով ՀՀ երկրորդ նախագահ Ռոբերտ Քոչարյանի գործին, Եղիազարյանն ասաց. «Ռոբերտ Քոչարյանը տղամարդ է, նրան բանտով, բանով չես վախեցնի, բայց նախադեպ է ստեղծվում, վաղը մյուս օրը Նիկոլ Փաշինյանը թող սպասի այդ բումերանգին, ինչ ցանես, այն էլ հնձելու ես»:

Նյութի աղբյուր`ԹԵՐԹ․am

Կարճ հասցե: javakhq.info/u/5708.html

Վերջին Լուրեր

1 2 3 4 5 >
Ամբողջը` 4103 : Ցուցադրված է` 1 - 15 :