Դատապարտյալների համաներման հարցով պետական հանձնաժողովի նախագահ Զվիադ Կորիձեն հայտարարել է, որ Սուրբ Գեորգիի օրվա կապակցությամբ Վրաստանի նախագահ Գեորգի Մարգվելաշվիլին ներում է շնորհել 121 դատապարտյալի: 

Համաձայն նախագահի որոշման՝ մինչ օրվա վերջ բանտերը կլքի 93 դատապարտյալ, 28 կալանավորի մեղադրանք մեղմացվել է։

Կորիձեի խոսքով՝ համաներումը վերաբերել է միայն մեկ ծանր հանցանք գործած կալանավորի, ում ժամկետը կրճատվել է 2 անգամ։ Համաներվածների թվում կա 3 կին և 3 անչափահաս։