Երկու երկրների միջև վերսկսելով պարբերական ավիահաղորդակցումը`ռուսական ավիաընկերությունը, հոկտեմբերի 27-ին վեց տարվա ընդմիջումից հետո Մոսկվայից Թբիլիսի առաջին ուղիղ չվերթն է իրականացրել: 

«Աերոֆլոտի» Airbus A320 օդանավը Թբիլիսիում վայրէջք է կատարել 03:00-ին:  Թբիլիսի-Մոսկվա-Թբիլիսի  տոմսի արժեքը միջինը կազմում է 350 եվրո:

Նշենք, որ Ռուսաստանի և Վրաստանի միջև պարբերական ավիահաղորդակցումը ընդհատվել էր 2008թ. օգոստոսին` Հարավային Օսիայում զինված հակամարտության  հետևանքով:  

Թռիչքները վերսկսվել են 2010թ. օգոստոսին:  Ներկայումս ՌԴ և Վրաստանի միջև ուղիղ չվերթներն իրականացվում են  չարտերային ռեժիմով` Մոսկվա և Եկատերինբուրգ Թբիլիսիից, Բաթումից, Քութայիսից: Չվերթներն իրականացնում են «Սիբիր» և «Ուրալի ավիաուղիներ» ընկերությունները, վրացական կողմից` Georgian Airways-ը: