Հայաստանի հիմնական խնդիրը երկրի տնտեսությունում ներդրումների զրոյական տեսակարար կշիռն է. նախկին վարչապետ

Հայաստանի հիմնական խնդիրը երկրի տնտեսությունում ներդրումների զրոյական տեսակարար կշիռն է. նախկին վարչապետ

Հայաստանի հիմնական խնդիրը երկրի տնտեսությունում ներդրումների զրոյական տեսակարար կշիռն է: Այդ մասին մարտի 6-ին Հայաստանի տնտեսության խնդիրների շուրջ քննարկման ժամանակ հայտարարել է Հայաստանի նախկին վարչապետ Հրանտ Բագրատյանը:

 

Ընդ որում՝ նա նշել է, որ ՀՆԱ-ի 99 տոկոսը փաստացի ծախսվում է:

 

«Եթե ես ճիշտ եմ, իսկ այստեղ չի գտնվի մեկը, ով կասի, որ ես սխալվում եմ, ապա ձեր պնդումները, որ սոցիալական ոլորտը պետք է ամրապնդել, իրատեսական չեն մոտակա ապագայում: Ի վերջո, եթե մենք որոշենք ամրապնդել սոցիալական ոլորտը, ապա նաեւ ՀՆԱ տեսակարար կշիռը նույնպես պետք է բարձրանա»,-պարզաբանել է Բագրատյանը:

 

Միեւնույն ժամանակ նա նշել է, որ աշխարհում ՀՆԱ-ի անհատական սպառումը կազմում է միջինում 74 տոկոս: Նախկին վարչապետը նշել է, որ զարգացած երկրները, որպես կանոն, տատանվում են հենց այդ ցուցանիշների սահմաններում:

 

«Ընդ որում աշխարհում կա ընդամենը 22 երկիր, որտեղ այդ ցուցանիշը հավասարեցված է զրոյի: Այդ երկրները գտնվում են աղքատության եզրին, եւ Հայաստանը հավակնում է հայտնվել դրանց շարքում: Իսկ միջին երկրները, որտեղ արհեստականորեն ներառել են Հայաստանին, բաժանվում են երեք մասի: Առաջին խմբում են այնպիսի երկրները, ինչպես Չինատանն ու Մալայզիան. նրանց մոտ իրավիճակն ավելի լավ է, քան անգամ զարգացած երկրներում: Չինաստանն առհասարակ կամ արտադրում է ամեն ինչ, կամ իրացնում է, կամ կուտակում: Այդ առումով նրանց մոտ ամեն ինչ ավելի լավ է, քան ԱՄՆ-ում: Երկրորդ խմբում երկրներն են, որտեղ այդ ցուցանիշը կազմում է 80-85 տոկոս: Այդ խմբում են այնպիսի երկրներն, ինչպիսիք են Ուկրաինան, Վրաստան, Ադրբեջանը: Եւ կա երկրների երրորդ խումբը, որտեղ ներառված ենք մենք: Մենք ունեցել ենք տարիներ, երբ սպառումը կազմել է 107 տոկոս, եւ մենք նախազգուշացրել էնք նախկին իշխանություններին այդ վտանգների մասին, սակայն նոր իշխանությունը շարունակում է գործել նույն ոգով»,-ընդգծել է Բագրատյանը:

Նյութի աղբյուր` NEWS.am

Կարճ հասցե: javakhq.info/u/8100.html

Վերջին Լուրեր

1 2 3 4 5 >
Ամբողջը` 5838 : Ցուցադրված է` 1 - 15 :