«Երաժշտության ճանապարհ մտնելու սկզբից մինչ այսօր տեւական մի մեծ կռիվ կա կայացման». Տիգրան Մանսուրյանը տոնում է 81-ամյակը

«Երաժշտության ճանապարհ մտնելու սկզբից մինչ այսօր տեւական մի մեծ կռիվ կա կայացման». Տիգրան Մանսուրյանը տոնում է 81-ամյակը

Հայ նշանավոր կոմպոզիտոր, ՀԽՍՀ ժողովրդական արտիստ, ՀԽՍՀ արվեստի վաստակավոր գործիչ եւ, պարզապես, մեծանուն հայ Տիգրան Մանսուրյանն այսօր` հունվարի 27-ին տոնում է ծննդյան 81-ամյակը։

 

Մանսուրյանը հեղինակել է նվագախմբային, կամերային, երգչախմբային եւ վոկալ գործեր, որոնք կատարվել են ամբողջ աշխարհում։ Մանսուրյանի կինոերաժշտությունն ամենասիրվածներից է: Կոմպոզիտորի ստեղծագործությունները կատարվել են Լոնդոնի, Փարիզի, Հռոմի, Միլանի, Բեռլինի, Վիեննայի, Մոսկվայի, Նյու Յորքի, Լոս Անջելեսի և այլ քաղաքների խոշորագույն համերգային դահլիճներում:

 

NEWS.am STYLE-ն այսօր վերհիշել է կոմպոզիտորի ամենահայտնի մտքերից մի քանիսը, որոնք նա հնչեցրել է մեզ հետ ունեցած տարբեր հարցազրույցների ընթացքում:

 

«Երբ ավարտում ես որեւէ գործ, դրանից բաժանվելու դատարկությունը դժվար ապրվող վիճակ է»:

 

«Ես մեկն եմ, ով գործում է ավանդույթի ներսում»:

 

«Երբ ասում են կուսակցություն, ես ասում եմ՝ կուսակցությամբ հայ եմ»:

 

«Միակ լեզուն, որով ես կարող եմ երաժշտություն գրել, հայերենն է: Անգամ երբ, ընտրությամբ, դիմել եմ այլ լեզուների, իմ երաժշտության լեզուն մնացել է հայերենը»:

 

«Եվ դժվարությունները, եւ ուրախություններն Աստծո նվերն են եղել ինձ: Երկուսի շնորհիվ ես այսօր այսպիսին եմ»:

 

«Իմ իրականությունից փախչող երբեք չեմ եղել: Ինչ կամ, այդ եմ»:

 

«Երաժշտության ճանապարհ մտնելու սկզբից մինչ այսօր տեւական մի մեծ կռիվ կա կայացման։ Այդ պահը, որ պետք է վերջապես տոնեմ իմ հաղթանակը, դեռեւս չկա»:

 

«Պետք է կարողանալ պարտվել՝ հանուն հիմնականի, որ չկորցնես քո հիմնականն ու քո հավատքը։ Դա է ուժ տալիս մարդուն»:

 

«Դասական երաժշտությունն այսօր մեկ տոկոս է կազմում ընդհանուր երաժշտության մեջ։ Մնացածն ամբողջությամբ տրված է հաճույքին, զվարճանքին․ դա են գերադասում»:

 

«Կնոջիցս կուզեի լսել ամենասպասված շնորհավորանքը, բայց նա այլեւս չկա․․․»։

 

Նյութի աղբյուր` NEWS.am

Կարճ հասցե: javakhq.info/u/5567.html

Վերջին Լուրեր

1 2 3 4 5 >
Ամբողջը` 5838 : Ցուցադրված է` 1 - 15 :