Տարեցները կորոնավիրուսով վարակման ամենառիսկային խումբն են, երիտասարդների համար այն վտանգավոր չէ. Ն. Փաշինյան

Տարեցները կորոնավիրուսով վարակման ամենառիսկային խումբն են, երիտասարդների համար այն վտանգավոր չէ. Ն. Փաշինյան

 

Ինչպես ավելի վաղ տեղեկացրել էինք, Հայկական միասնական տեղեկատվական կենտրոնի փոխանցմամբ՝ որոշում էր կայացվել՝ կենսաթոշակների և նպաստների տրամադրման բնականոն գործընթաց ապահովելու համար կենսաթոշակները և նպաստները հասցնել շահառուի բնակության վայր «Հայփոստ»-ի աշխատակիցների միջոցով:

 

 

Ֆեսբուքյան ուղիղ միացման ժամանակ այս հարցին անդրադառնալով՝ վարչապետ Նիկոլ Փաշինյանն ասաց, որ որոշման պատճառը,«հասկանալիորեն և բնականորեն»,տարեցների՝ կորոնավիրուսով վարակման ամենառիսկային խումբ լինելն է:

 

«Մենք եկել ենք այն եզրակացության, որ թոշակների բաժանման պրոցեսը, հնարավոր է՝ ամենառիսկայինը լինի կորոնավիրուսի տարածման առումով, և այդ պատճառով որոշել ենք էնպես անել, փորձել կազմակերպել, որ մեր սիրելի թոշակառուները կարիք չունենան գալ և կուտակվել փոստային բաժանմունքներում»,-ասաց Նիկոլ Փաշինյանը:

 

Նրա խոսքով՝ այն մարդիկ, ովքեր գումարն անկանխիկ են ստանում, կշարունակեն ստանալ այդ եղանակով: Մյուսներին կայցելեն «Հայփոստ»-ի աշխատակիցները՝ պաշտպանական դիմակներով, և կբաժանեն գումարը:

 

«Պետք է արձանագրենք, որ անկախ մեր կամքից՝ բազմաթիվ քաղաքացիներ այս ընթացքում վարակվել են կորոնավիրուսով, բուժվել են, առողջացել են, անցել են դրանով բնական պատվաստման պրոցես, բայց իրենք էլ նույնիսկ դրա մասին  տեղյակ չեն եղել: Եվ ահա առնվազն այս սեգմենտի մասով կարող ենք վստահաբար ասել, որ երիտասարդության մասով կորոնավիրուսն էդքան վտանգավոր չէ, և որևէ կասկած չկա, որ մենք միասին իրար աջակցելով՝ կհաղթահարենք այս իրավիճակը»,-հավելեց Ն. Փաշինյանը:

 

 

Այդուհանդերձ, վարչապետը հորդորում է կորոնավիրուսով պայմանավորված՝ ճգնաժամն ընկալել՝որպես զրոյական կետ, և դրա վրա հենվելով՝ հասնել նոր քաղաքակրթական մակարդակի և կառուցել նոր երկիր:

 

«Եվ էլի ուզում եմ բոլորիս ուշադրությունը հրավիրել այն փաստի վրա, որ մենք կորոնավիրուսի այս ճգնաժամը պետք է ընկալենք՝ որպես մի զրոյական կետ, որպես մի նոր հնարավորությունների մեկնակետ, որի վրա հենվելով՝ պիտի կառուցենք նոր երկիր, նոր իրականություն, նոր հարաբերություններ: Մենք բոլորս պետք է քաղաքակրթության մի նոր մակարդակի հասնենք: Իհարկե, սրա համար հարկավոր է նախ հաղթահարել զուտ առողջապահական պրոբլեմը, որից հետո աշխատել, կենտրոնանալ,ջանք թափել մնացած խնդիրների լուծման վրա»,-նշեց Նիկոլ Փաշինյանը:

Նյութի աղբյուր`168.am

Կարճ հասցե: javakhq.info/u/8769.html

Վերջին Լուրեր

1 2 3 4 5 >
Ամբողջը` 5838 : Ցուցադրված է` 1 - 15 :