«Անահիտ Ֆարմանյանն ընդդեմ ՇՊՀ-ի» գործով դատական նիստն անցավ առանց պատասխանող կողմի. փաստաբանը պատշաճ լիազորագիր չուներ

«Անահիտ Ֆարմանյանն ընդդեմ ՇՊՀ-ի» գործով դատական նիստն անցավ առանց պատասխանող կողմի. փաստաբանը պատշաճ լիազորագիր չուներ

Այսօր Շիրակի մարզի ընդհանուր իրավասության դատարանում՝ Հովհաննես Ղազարյանի նախագահությամբ, կայացավ նախկին պրոռեկտոր Անահիտ Ֆարմանյանն ընդդեմ «Շիրակի Մ. Նալբանդյանի անվան պետական համալսարան» հիմնադրամի գործով դատական նիստը: Այս մասին տեղեկացնում են «Ղազարյան ընդ Փարթնըրս» փաստաբանական գրասենյակից:

 

Գործի քննության ընթացքում ներկայացվեց հայցի հիմքն ու առարկան, որից հետո դատական նիստը հետաձգվեց 2020 թ.-ի հունիսի 25-ին՝ 14։30-ին:

 

«Նախնական դատական նիստի ընթացքում ներկայացվեց հայցի հիմքն ու առարկան, որի արդյունքում, կարծում ենք, դատարանի համար ևս պարզ դարձավ, որ մեր հայցն ամբողջությամբ հիմնավորված է»,-ասաց Անահիտ Ֆարմանյանի ներկայացուցիչ Տիգրան Ղազարյանը:

 

Նշենք, որ դատական նիստին ներկայացել էր փաստաբան, ով չուներ պատասխանող կողմի  անունից հանդես գալու պատշաճ լիազորագիր: Դատարանն ընդունեց հայցվոր կողմի առարկությունները, և փաստաբանին չթույլատրեց գործում ներգրավվել՝ որպես պատասխանող կողմի ներկայացուցիչ: Նիստն ընթացավ առանց պատասխանող կողմի ներկայության:

 

Նշենք, որ Անահիտ Ֆարմանյանը պահանջում է անվավեր ճանաչել  ՇՊՀ հոգաբարձուների խորհրդի 2018 թ.-ի ապրիլի 23-ի նիստի արդյունքում ընդունված որոշումը, որով հաստատվել է հիմնադրամի կազմակերպական կառուցվածքը, ինչպես նաև ապրիլի 26-ի նիստի արդյունքում ընդունված որոշումը, որով հաստատվել է հիմնադրամի հաստիքացուցակը:

Նյութի աղբյուր` NEWS.am

Կարճ հասցե: javakhq.info/u/7988.html

Վերջին Լուրեր

1 2 3 4 5 >
Ամբողջը` 5838 : Ցուցադրված է` 1 - 15 :